Ewan ko ba kung bakit may mga babaeng sobrang ubod ng feeling. Nakakairita lang kasi. Sobrang ubod ng iritasyon ang idinudulot nito sa katawan ko. Kahit pigilan ko ay pilit pa rin siyang ibinabahing ng ilong ko. Madalas na itinitikom ko na lang ang bibig ko kahit alam ko namang mabango ang hininga ko. Pero minsan talaga, umaabot tayo sa punto na hindi na natin ma-take ang lahat. Lalo pag nasaksihan mo na ang pangit na katotohanan.

Sino bang matutuwa sa isang babae na feeling niya ay napakaganda niya? Pakiramdam niya lahat ng lalaki may gusto sa kanya. Pero ang mga ikinikilos naman niya ay salungat sa hilatsa ng kanyang mukha. At mas lalong salungat sa inaakala niya ang reaksyon ng mga lalaki sa kanya. Pwede ba? Hindi lahat ng babae ay may karapatang magmaganda. At si Anne Curtis lang ang may karapatang tawaging dyosa.

Akala mo pa kung sino para manlait ng kapwa. Nakalimutang may bagay na tinatawag na salamin na pwedeng makita ang sarili. Pero ano bang magagawa kung ang di kanais-nais na ugali na nananalaytay sa ugat ay lumabas sa mukha kaya ito’y nagiging hindi kanais-nais din.? Wala ka nang no choice diba? Eh di mag-feeling na lang. Bulsyet!

Ang masaklap pa diyan, hindi marunong gumamit ng utak. Hindi alam ang pinagkaiba ng balat sa tinalupan, ng sipon sa plema, at ng kanan sa kaliwa. Lahat ng tao may utak. Kahit nga mga hayop meron. Pati mga dinosaurs. Hindi naman iyan nandiyan para pandisplay. Hindi nga siya nakikita eh. Sana kahit paano gamitin. Sayang. Madalang na ang libre sa mundo.

Mas trip ko pang makipagkiskisan ng dila sa mga taong tahimik ay kahit hindi halata ay may saysay naman ang lumalabas sa bunganga. Kaysa sa mga asal-iskwa na dada ng dada pero mga bagay na walang kwenta naman ang pinagsasasabi. Hindi ko nilalahat ang mga iskwa pero utang na loob naman, maawa ka sa balat mo. Kung mga aso nga natuturuan.

Sabihin niyo na ang lahat ng gusto niyong sabihin. Kahit ipamukha niyo pa napaka-ungentleman ko. Wala akong pakialam. Pero hindi ko ipinagkakalat na gwapo ako. Hindi ko rin ipinangangalandakan na macho ako. Hindi ako madaling mauto. Hindi ako makukuha sa bola. Madali akong maniwala pero mahirap kumbinsihin. Hindi ako perpekto. At higit sa lahat, hindi ako plastik.

Wag ka nang magpanggap na ikaw ay isang dalagang ubod ng ganda, kahit na alam naman natin na ang karakas mo ay ubod ng sama!
– Parokya ni Edgar

PS
Para rin ito sa lahat ng lalaki na sobrang ubod ng feeling at akala nila ay lagi silang bagong paligo at lahat ng babae ay may gusto sa kanila. At kung tinamaan ka sa mga sinabi kong ito, have a life!