Bunga ng ilang araw ng pagmumuni-muni at pakikisalamuha sa mga walang kwentang tao, nakakalap ako ng ilang salitang Ingles na madalas nating ginagamit na di natin alam ay may katumbas na salita pala sa wikang Filipino. Ang mga sumusunod ay iilan lamang.

PAUNAWA: Ang ilang salita na inyong mababasa ay naglalaman ng mga salitang maaaring hindi akma sa mga panlasa ng iilan. Kung isa ka don, wag na lang magbasa.

adam’s apple - lauglaugan, tiluktilukan, gulunggulungan
wrist - galanggalangan
airplane - salimpapawid
parachute - salipawpaw
knick-knacks - abubot
chess - ahedres
dipper - tabo
cabinet - tokador
akimbo - nakapamewang
department - kagawaran
cap - gora
barbeque stick - tindagan
drawer - sulong
basement - sulib
kitchen sink - banggerahan
public toilet - komon
bitter gourd - ampalaya
stockroom - kamalig
orange - kahel
blue - bughaw
green - luntian
brown - kayumanggi
tan - kulay tae
pen - panitik
flip-flop - tsinelas
boxers - karsonsilyo
calendar - talaarawan
notebook - kwaderno
bag - tampipi
puzzle - palaisipan
sex - kasarian, labing-labing
six - anim
period - tuldok
comma - kuwit
apostrophe - kudlit
colon - tutuldok
semi colon - tuldok kuwit
asset - pag-aari
owned asset - sariling ari
fixed asset - nakatayong pag-aari
frozen asset - pinatigas na pag-aari
tangible asset - nakakapang ari
carpenter - anluwagi
booger - kulangot
rheum - muta
science - agham
chalk - yeso
bead - abaloryo
magnet - batubalani
electricity - dagitab
mathematics - sipnayan
physics - hipnayan
calculator - pindutang tagatantya (tantyameter), talapindutan, dutdutan
eyeglass - antipara
razor - labaha
souljaboy - yuuuuuuuu!
customs -adwana
chain - tanikala
scroll - kalatas
arrow - palaso
bow - pana
honeymoon - pulotgata
viand - ulam
left-over - muyang
chocolate pig - dinuguan
untidy - samlang
sewerage - alkantarilya
headband - supil
inverted - balintuna
eyelid - parpado
piss - mukha, pandikit, kapayapaan
toothpaste - kulget
refrigirator - pridyider
crazy frog - palakangbaliw
wise frog - palakangtot
masturbate - mariang palad
smegma - kupal
t-back - talikod
chair - salumpwit
wheelchair - salumpo
diaper - salumpupu
bra - salumbola, salumsuso
cap c - salumpakwan
cap b - salummelon
cap a - salumkalamansi
brief - salumbayag, salunggunisa, modern bahag
panty - salungguhit
condom - salumbata
house - bahay
home - tahanan
motel - tirahan

Kayo nang bahala kung balak niyo gamitin ang mga ito sa inyong pang araw-araw na buhay. Natitiyak kong magiging makabuluhan at makulay ang iyong pakikisalamuha sa mga tao sa paligid mo. Di lang yan, mabibilang ka pa sa mga taong may malawak na bokabularyo. At kung may alam pa kayong salita tulad ng mga nabanggit ko, wag nang mahiyang ibahagi ito sa akin.

Ang hindi magmahal sa kanyang salita, mahigit sa hayop at malansang isda…
–Jose Rizal, Sa Aking mga Kabata

Star for all season, diamond star, megastar, search for a star, pinoy pop superstar, star for a night, star in a million, star studded, star spangled banner, philippine star, northern star, lonestar, starzan, star wars, star trek, starfish, child star, teen star, adult star, twinkle twinkle little star, bomba star, pornstar: ano ang pagkakatulad ng mga salitang nabanggit ko? Kung iniisip mong dahil lahat sila ay may star, mali! Hindi iyan ang tinutukoy ko kundi, maliban sa bomba, lahat ng mga salitang nabanggit ay Ingles, kaya nga naka-italics eh.

Pero ang star talaga ang punto ko. Sa tagalog, bituin. Kung ayaw mo naman sa bituin dahil nadi-disturb ka at pumapasok ka sa isip mo ang isang mang-aawit, sige, tala na lang.

Ayon kay Wikipedia

A star is a massive, luminous ball of plasma.

Ito ay isang napakalaking bola ng hydrogen at helium na dahil sa isang proseso ay nagbibigay nang napakalakas na enerhiya at liwanag. Sila yung mga kumikislap at kumukutikutitap tuwing gabi na kapag itinuro mo ay mapuputol daw ang daliri mo. Dahil sa uto-uto ka ay kakagatin mo ang daliring pinanturo mo. Ang mga tipong ito ay hindi bumabagsak na kapag natiyempuhan mo ay pwede ka nang humiling at magkakatotoo - falling star. Pero sumasabog sila.

Ang araw ang pinakamalapit na bituin sa mundo. Hindi ito kumukutikutitap pero naibalita dati na marunong itong sumayaw. Ang araw ang dahilan kung bakit may mga nilalang na nabubuhay sa mundo. Ito rin ang dahilan kung bakit pinagpapawisan ang kili-kili at singit natin. Maliban kay Maria Ozawa, nagbibigay ito ng init na kailangan ng lahat para mabuhay. At ito lang ang kaisa-isang bituin na alam kong tumitirik. Buti na lang at hindi siya nahuhulog, dahil malamang, wala na tayong lahat dito. Gayunpaman, darating ang panahon na mauubos ang enerhiyang ibinibigay nito kasabay ang lahat ng nabubuhay sa mundo.

Madalas ding ginagamit ang salitang star o bituin bilang pang-uri sa mga taong sikat at kilala partikular na sa larangan ng pag-aartista. Patunay nito ang ilang bansag sa mga artista na akin nang nabanggit sa unang unang bahagi ng binabasa mo ngayon. Hindi ako sigurado kung ano ang saktong paliwanag kung bakit ito ibinagay sa mga artista. Pero kung kay Kuya Germs lamang itatawag ang salitang star, pwede pa! Hindi mo gets? Oh c’mon!

PATALASTAS: Maraming salamat sa lahat ng bumoto sa akin sa Project Lafftrip Laffapallooza. Sa Round 3 ay sumabit ako sa ika-20 pwesto at nalalapit na ang huling combo. Kung nais mong bumoto, ano pang hinihintay mo? Ha haha. Sayang ang premyo, hindi naman sa akin mapupunta yun kung iboboto mo ako.

Mabalik tayo. Kung matatandaan, parang bagyong sinalanta ng Meteor Garden ang Pilipinas. Naaalala ko pa na nagkalat ang mga poster ng mga bida nito sa mga bangketa at ding-ding. Hindi ko rin makakalimutan na naka-imprenta ang mga mukha nila sa mga teks, may power level pa. At lahat ng lalaki gustong magpahaba ng buhok parang F4. Sinong makakalimot kay San Cai, Dao Ming Su, Wa Xe Lei, at sino pa nga ulit yung dalawa? Pautang-ina! Nakalimutan ko. Kung nakalimutan mo na sila tulad ko, bakit hindi magbalik tanaw at pakinggan ang tugtuging ito.

Dahil sa kantang iyan, parang gusto ko na ring sagutin ang tanong na do you have a girlfriend? how do you find Filipino women? At magpaka Wu Chun sa pagsasabi ng now! biyutriful! mahawl kow kayowng lahawt! At salamat sa kasama ko at nakipag-duet siya gamit ang kanyang hindi mapigilang pagtawa at pang-aasar hanggang sa matapos ang kanta.

Libre naman daw ang mangarap. Hindi natin kailangang maging isang tanyag na artista na titilian para sabihing isa tayong star. Mas lalong hindi kailangan na magpaka kuya Germs at magsuot ng damit na kahit maliwanag ay kumukutitap dahil hitik na hitik ito sa sekwins. Lahat tayo ay pwedeng maging star sa sarili nating paraan at pagpapakahulugan.

Ang kailangan lang ay tiwala sa sarili at paninindigan dahil tayo rin naman ang magdadala nito hanggang sa pagtanda. Tulad ng bituin, sarili rin natin ang magbibigay ng enerhiya at liwanag sa paligid natin. Huwag lang susuko. Kahit kailan hindi natutong lumuhod ang mga tala. At kung dumating na ang panahon na maubusan tayo ng lakas, masasabi nating inilaan natin ang ating buhay para magbigay ng liwanag.

PS: Ispiking of Wu Chun, nadiskubre ko na nasa YM pala siya. Kung gusto niyo siya makita, sa chat window i-click ang Audibles>More Audibles>Audibles from other countries at piliin ang AAA. Pwede kayong mamili sa tatlo, pero paborito ko ang naka-pula.

dayling dayling dayling dayling dayling dayling dayling dayling dayling dayling dayling dayling dayling deey!

Ayon sa kasabihan, ang buhay ay punung-puno ng misteryo at maraming hatid na surpresa. Hindi na ito bago sa kahit sino man dahil maraming pangyayari sa atin ang kadalasan ay hindi natin inaasahan. Utang natin ito lahat sa mga taong nakapaligid sa atin at sa makulay na buhay na kahit hindi tayo kumain ng sinabawang gulay (na ngayon ay ginisang gulay na!), ay naghahatid sa atin ng mga karanasan na talaga namang maitatago natin sa baul ng nakaraan.

Gusto ko ng surpresa. Yung surpresang may magandang intensyon para sa taong susorpresahin ko. Pero ako yung magbibigay ng surpresa. Masarap kasi makita ang reaksyon nila. Yun bang napapa homaygums!, olipakinsiyet! o pautang ina! Tapos biglang yayakap sa iyo ng mahigpit tapos bibigyan ka ng gums-to-gums na halik. Ang saya diba? Ramdam ko na rin kasi ang tuwa tuwing napapatawa o kahit napapangiti ko sila sa aking surpresa, maliit man ‘yan o bonggang-bongga.

Ayoko ng surpresa. Yun bang ako ang susorpresahin. Pero yun tipong sasabihin pa na may sorpresa ako sa’yo. Masyado kasing malikot ang isip ko at kung anu-anong karumal-dumal na bagay ang naiisip ko. At para akong binabalatan ng buhay habang pinaliliguan ng suka at binubudburan ng asin pagkatapos ay tatadtarin ng pino saka ipiprito. Ang sakit nun! At joke lang lahat ng sinabi ko. Masyado ng exagerrated. Pero hindi talaga ako sanay ng sinosorpresa ako. Hindi kasi ako marunong mag-react. Ha haha! Parang tuod.

Noong isang linggo, naglalagalag ako sa mall kasama ang isang tao na itatago na lang natin sa pangalang Bb. B. Nauna siya sa aybol namin kaya humahangos at pawisan pa ako ng makita siya. Tumingin-tingin kami ng damit sandali tapos bigla niya akong niyaya sa pababa ng mall. Nagtaka na ako bigla dahil wala naman sa baba ang pakay namin. Habang nasa escalator tinanong ko siya kung saan kami pupunta at sinagot niya ako ng diyan lang sa baba. Ang buong akala ko ay kakain lang kami. Nang bigla niyang hawakan ng mahigpit ang braso ko at sabihing may sorpresa ako sa’yo.

Siyet na malagkit!

Parang gustong malaglag ng puso ko ng mga oras na iyon. Hindi ko alam pero natural na ata sa akin ang ganon kaya ayaw na ayaw ko ng sorpresa. Umagos ng butil-butil ang pawis ko at nanlalamig. Para akong nasa death row. Na matapos ang mahabang lakaran ay may sasalubong sa akin na pulutong ng gwardiya sibil at saka ako babarilin. Fuego! Gusto kong kumawala sa pagkakahawak niya sa braso ko sabay takbo. O di naman kaya ay mahimatay na lang bigla at hayaan ko siyang mahirapan kakakaladkad sa akin hanggang sa pabayaan na lang niya akong nakahandusay sa mall. Buti na lang at may nadaanan kaming parlor. Inisip ko agad na baka ipapa-rebond at reborn niya ang buhok ko. Kahit paano nabawasan ang kaba ko. Pero lumagpas kami! Waa! Hindi pala! Ayoko na! Tuloy pa ang kalbaryo.

Alam kong ayaw mo nitong gagawin ko. Talagang ginawa ko ito para hindi ka na makatanggi.

Heto ang binitiwan niyang mga salita. Hindi ko alam ang gagawin. Parang isang pagbabanta ang mga salitang iyon na nagsasabing magdasal ka na at malapit na ang buhay mo. Sabay pasok sa tindahan ng tsinelas. Anong ginagawa namin dito? Juice ko pong pineapple bayan! Ibibili niya ako ng Havaianas!

Ang puso kong gustong malaglag kanina pa ay tuluyan nang nalaglag. Nakita ko pa itong tumitibok ng mabilis sa lapag at nangingisay. Agad ko itong pinulot at nilunok para maibalik sa dating kinalalagyan dahil baka maapakan ng mga taong hindi magkamayaw sa pagpili ng tsinelas. Ang butil-butil at nanlalamig kong pawis ay tuluyang nagyelo at parang snow na nagsibagsakan. Gusto ko sana siyang yakapin ng mahigpit sabay halikan ng gums-to-gums pero parang hinigop lahat ng lakas ko. Sayang! At tila naka-inom ako ng humigit kumulang sa hindi ko mabilang na bote ng Elmer’s Glue. Hindi ako makapagsalita. Sa ingles, i’m a dead man walking, but still charming.

Ang inakala kong pulutong ng gwardiya sibil na sasalubong sa akin at babaril ay pulutong pala ng tsinelas na aking pagpipilian at isang pares sa kanila ay aking iuuwi. Hindi pa rin ako makapagsalita habang pumipili. Iniabot sa akin ni Bb. B ang natipuhan niyang pares na nagustuhan ko rin. Maganda kaya ang taste namin! At habang isinusukat, isang matabang babae na sa tingin ko ay bumibili rin ang may masamang titig sa akin. Parang gusto ko siyang kumprontahin at sabihing anong problema mo at ganyan ka makatingin? pwede ba, ibibili ako ng tsinelas. moment ko ito ,okey? so leave me alone! Buti na lang at hindi ako pa rin ako makapagpagsalita ng mga oras na iyon. Dahil kung nagkataon, tinaob ko sina Christopher de Leon sa pag-arte. At lumabas kami sa tindahan habang kumakanta si Gabby Concepcion sa utak ko ng Iisa pa Lamang sapagkat iisa pa lamang, iisa pa lamang ang tsinelas kong ganito.

i now have a pair of Havs! sabihin niyo nang jologs ako at
ipinapangalandakan ko pang mayron ako nito, WALA AKONG PAKIALAM!
ipinagmamalaki ko lang na may Bb. B ako na namimigay ng tsinelas! ha haha!
salamat Bb. B

Ang sarap sa pakiramdam. Matatalino naman ang mga bumibisita sa blog ko at alam kong alam niyong lahat kung anong punto ko. Hindi dahil sa mayroon na akong unang pares ng Havaianas. Kundi dahil alam mong may ilang tao na nagmamalasakit at nag-aalaga sa iyo. Nariyan sila para mahalin ka at maghatid ng masasayang surpresa. Hindi mabibili ng anumang salapi ang kaligayahang ito. Kaya mahal man iyan, mura, malaki, maliit, simple o magarbo, hinding-hindi ito matutumbasan ng kahit ano.

Ang mga sandaling ito ng ating mga karanasan sa ating buhay ang karapat-dapat na maitatago sa baul ng nakaraan, na tiyak masarap na balik-balikan.

Life was like a box of chocolates. You never know what you’re gonna get. But if it’s a box of tsinelas, you may know what it was. Homaygums, olipakinsiyet, pautang ina! It’s Havaianas

Bakit dumadami ang mga bakla sa mundo samantalang hindi naman sila nanganganak?

Kamakailan lang ay naging usap-usapan sa buong mundo ang pagkilala ng California sa same-sex marriage. Isa itong malaking balita at tunay ngang mabuting balita lalo na sa sangkabaklaan, ngunit tinik naman na lalong tumutusok sa mga lalamunan ng mga tutol dito tuwing sila ay lumulunok. At hanggang sa kasalukuyan ay patuloy pa rin ang walang katapusang mga usap-usapan at diskusyon sa isyung ito.

Ang pagpapakasal ng dalawang taong may magkatulad na kasarian ay unang naging legal sa bansang Netherlands noong taong 2001. Ngunit hindi dito nagsimula ang kabaklaan sa mundo. May mga kasulatan sa kasaysayan na nagpapatunay na bago pa man ang panahon ni Mahoma, higit na matagal sa panahon ni Magellan ay ginagawa na ito sa ilang naunang sibilisasyon sa mundo. Gayunpaman, nang lumaganap ang Kristiyanismo ay nagbago ang tingin ng tao sa pagsasama ng dalawang may parehong kasarian. Dagdag pa rito ang pagdedeklara ng ilang emperador at hari na siyang makapangyarihan noong mga panahong iyon na ilegal ang pagiging homosexual at kung sino man ang mapapatunayan nito ay susunugin ng buhay.

Dito na marahil nagsimula ang mga tagong bakla. Sino ba naman ang may gustong sunugin ng buhay? HELL-EEERRR??!!!

Siyempre, hindi mawawala ang mga miyembro ng pederasyon sa Pilipinas. Nagkalat sila sa lahat ng dako: sa kalsada, karinderya, palengke, mall, paaralan, tindahan, kanto, beauty pageant, bahay niyo, sa loob ng kwarto mo o kahit sa loob ng simbahan. Ibat-ibang propesyon na rin ang napasok nila hindi lang ang maging paborito mong manikurista o parlorista. Maaaring isa siyang big boss ng isang malaking kompanya, pulitiko, sundalo, doktor, nars, inhinyero, guro, o di naman kaya ay boss mo sa iyong opisina. At hindi na ako magtataka kung pati ikaw na bumabasa ng lathalang ito ay miyembro ng alyansa.

Gayunpaman, nakalulungkot isipin na nagiging biktima pa rin sila ng ibat-ibang klase ng diskriminasyon sa ating bansa. At ang pagtanggap at legal na pagkilala ng pagsasamang homosekswal ay tila suntok sa buwan. Ito ang resulta sa oriyentasyong macho sa ating kultura na siyang dahilan din kung bakit may ilan pa rin na takot lumabas at magladlad. Idagdag pa rito ang dominanteng relihiyon sa ating bansa na siyang pangunahing kritiko sa mga ganitong usapin. Ngunit, nais ko lang ipabatid sa kaalaman ng lahat na ang bansang Spain, na siyang sumakop sa Pilipinas sa loob ng mahigit sa 300 daang taon at nagpakilala sa ating ng Katolisismo ay nauna nang kilalanin ang same-sex marriage. Kung posible rin ba ito sa ating bansa, walang makakapagsabi.

Ang tanging magagawa na lang natin bilang tao ay ang paggalang at pagrespeto sa kanila, na iisang mundo pa rin ang ating ginagalawan at pantay-pantay na pagtingin sa lipunang ating kinaaaniban. Dahil kahit anong pagbatikos at pagtutol ang gawin natin, mananatili silang nadiyan at nangangailangan ng ating pag-unawa at pagmamahal.

To further conclude, every badey needs love, understanding and acceptance just like everyone else in the universe. Even the aliens need that. Dehins nila need all the okrays ng mga utaw na Murriah Carrey dahil kahit ano pang chorva at eklavu ng mga Lucita na itey, wa sila say sa Winnie Santos na gays. At kahit anik anetch na etchos at chenelyn pa ang i shoot, chembolar at keberetchi lang yan sa kanila. MaPagoda Cold Wave Lotion lang sila kakadakdak. Kaya sa mga mamita, entourage lang. Keribels ang crayola. Jombagin kapag wis makisama. Oks? Babush baklush!

Rampa na mga bakla!